綠葉王︳駿雄憶當年翁美玲為形象坐住瞓 幫好兄弟湯鎮業回覆影迷信

資深藝人駿雄同曾偉明是圈中兩大「綠葉王」，多年來演出無數，駿雄早年曾與翁美玲合作《天師執位》，近年回歸幕前拍過陳小春的《反黑》；曾偉明出道拍過劉松仁主演的《刀神》，後期過檔亞視有份演出《再見艷陽天》等，觀眾應該對他們有印象。兩人這次接受港台《一起走過》楊紹鴻、寶珮如訪問，分享多年來所見所聞，當中有笑亦有淚。

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

{{hket:inline-image name="03141004.jpg"}}{{/hket:inline-image}}

{{hket:inline-image name="03141001.jpg"}}{{/hket:inline-image}}

駿雄指昔日在無綫工作有很多難忘事，當中在大嶼山拍攝《射鵰英雄傳》外景時險出事，「我哋去嘅時候話有寒流到，後生時無乜理呢啲，着一件褸就搞掂，當喺大嶼山茶園入面拍通宵時就頂唔順，我就用塌塌米圍個帳篷擋風保暖，後來瞓著咗出現低溫症發冷，跟住大家搬我入去茶園嘅民宿，冚咗8張棉胎，當年1張棉胎有十幾斤重，我被百幾斤壓住，終於我救番，但醒番就郁唔到，叫救命搵人搬開棉胎，亦因為呢件事被人改咗花名叫『香雄』，話我香咗，嗌咗我幾十年。」他同曾偉明記得花名是許紹雄改的。

流行經典50年│廖駿雄偕囝囝廖家爵同場合唱 轉行做生意負債百萬喪捱養家【下一頁】

駿雄跟湯鎮業是訓練班同學，當年合租過廣播道一個單位，閒時幫好兄弟回覆粉絲信，「佢嗰時收好多影迷信，我每日幫佢覆信，幫佢簽埋名仲入埋相寄埋，每日都好忙。」提到當年同翁美玲合作，駿雄說：「佢真係聰明又捱得，初初喺公司開工時係坐喺度瞓覺，選完港姐出嚟要保持形象，我成日叫佢攰就喺梳化瞓，佢就話唔使坐喺度就得，拍多兩部見佢喺樓梯底都瞓，有得瞓嘅地方就瞓。」

【綠葉惡爺】曾偉明被邀過檔亞視似「大明星」 低薪效力無綫13年:廉價出讓青春【下一頁】

曾偉明當年因無綫每個騷加50元，令他心灰意冷決定過檔亞視發展，「我當時唔係唔想同佢續約，心諗做完舞台劇返嚟再傾，嗰次亦令我覺得真正似一個演員，亞視高層何家聯帶埋合約去新加坡搵我傾，係我無綫3倍人工，仲叫我先收訂金，然後返香港喺酒店簽約，我係從來未試過酒店簽約，根本當我係真真正正嘅藝人。」他指過檔後感受到一種尊重，角色戲份加重外，有私事可以同公司度期，往日在無綫就算紅白二事也不受理。

（↓點擊圖片放大↓）

兩大「綠葉王」多年來同無數小生花旦合作，對於跟新一輩藝人合作時感覺，曾偉明話：「覺得佢哋得來太容易，以前訓練班出嚟一定跑龍套出身，發哥（周潤發）都做過路人甲乙丙、衙差，我哋係由低層角色一路做上去，有幾句對白已經返去不停咁練，呢個係必經階段。加上以前無剪接，一場戲係直落去演，所以我哋心理壓力非常之大，若果一場戲有3頁紙，到你講兩句就NG，同場前輩唔會殺你嘅，只係停機之後會攞晒老竇老母出嚟鬧你。」駿雄認為有些新一輩無禮貌又裝模作樣，可能老一輩越來越少，無其他人去教導他們要有禮貌及守時。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】